O equipo noiés terá que agardar para debutar na Copa de España, logo de que a UA Ceutí renunciara a xogar a competición. O sorteo celebrado o pasado xoves emparellara ao Noia FS e á Unión África Ceutí nun encontro que tería lugar no Municipal Agustín Mourís o vindeiro martes ou mércores.
O Noia Portus Apostoli está agora pendente da resolución por parte da RFEF. En principio, a eliminatoria correspondente á terceira rolda será outorgada ao cadro noiés polo que accederá á seguinte fase. Nas próximas horas a Federación fará pública a decisión tomada. Con isto, o conxunto dirixido por Marlon Velasco comezará a preparar a súa visita ao feudo do CD Leganés.
