O espectáculo Don Gelati do mago Dani García pecha a quinta edición do Festimaxia de Lousame

26 Novembro 2020

A quinta edición do Festimaxia de Lousame porá punto e final este domingo coa actuación Don Gelati. A función do mago Dani García porá o broche de ouro a un mes de novembro que reuniu a personaxes como Fani Triana ou o Mago Teto.

O espectáculo Don Gelati diríxese a un público familiar, utilizando un estilo musical e humorístico. A función require da participación activa de toda a familia para poder resolver as cuestións que se lle presentan ó protagonista, un peculiar vendedor de xeados. Durante os 50 minutos que dura a actuación, Dani García e os espectadores terán que axudarse mutuamente para lograr o obxectivo final, solucionar os problemas atopados.

Con esta actuación, o Concello de Lousame pechará a quinta edición do Festimaxia 2020. O espectáculo Don Gelati terá lugar no auditorio da Casa da Cultura de Lousame o vindeiro domingo 29 de novembro, a partir das 18:00 horas. A entrada é de balde, mais é preciso, por mor da COVID-19, reservar a entrada chamando ao 981 82 57 80.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...