O Concello boirense comezou coas tarefas de adecuación da rúa Salvador Allende e das redes de servizo en Cabo de Cruz. A obra, que consistirá na mellora e renovación do pavimentado destas zonas, realizarase con cargo ao Plan de Obras e Servizos da Deputación Provincial da Coruña, xunto coa renovación de redes e servizos en Cabo de Cruz.
A rúa Salvador Allende será remodelada cun pavimentado ó longo do tramo existente entre a avenida da Constitución e a avenida Empresario Jesús Alonso, que ocupará unha superficie de 2.520 metros cadrados. Ademais, en Cabo de Cruz levarase a cabo a renovación de redes e servizos e pavimentado na rúa Camiño da Torre, que comprende un total de 470 metros cadrados.
O investimento total da obra será dun total de 4.454,45 euros, que serán empregados para dotar ós veciños dunha mellor rede de servizos e aumentar a comodidade e seguridade da vila. O alcalde, Jose Ramón Romero, e o concelleiro de Urbanismo e Obras, Luis Ruiz, asistiron á execución das obras.
