O BNG de Ribeira solicita a revisión da localización dos contedores que dificultan beirarrúas e impiden contemplar os escaparates

02 Novembro 2020

O Concello de Ribeira fixo recentemente a modificación e ampliación das beirarrúas que están arredor da praza do Concello e este labor de remodelación, segundo vén de sinalar o BNG local, fíxose “sen que o Goberno local planificase previamente a localización dos contedores de lixo”, que, ademais, “son de maiores dimensións cós que foran habilitados previamente”. Isto, engade o BNG, produciu “numerosas dificultades no concello”, xa que “houbo que poñer os contedores enriba das beirarrúas, impedindo, en ocasións, o paso as persoas viandantes e ocultando os escaparates dos comercios”.

Xa en decembro de 2018, o BNG solicitara a revisión da localización dos contedores para “evitar atrancar beirarrúas e impedir a circulación viaria”. Actualmente existe o mesmo problema e os nacionalistas piden unha solución. Segundo o concelleiro Luís Pérez Barral, “desde o Bloque temos sido críticos coa improvisación coa que se fan as obras en Ribeira en xeral, e coa colocación dos contedores, en particular”.

Pérez Barral confirma que recibiu queixas dos veciños que viven na Praza do Concello. Para eles, a localización dos contedores de lixo é un impedimento para a mobilidade na localidade, posto que dificulta a visualización dos escaparates das tendas e o paso polas beirarrúas. Os veciños tamén protestaron polo ruído que fan os camións cando recollen o lixo.

Polo tanto, o BNG solicita:

– Que o Concello de Ribeira estude localizacións alternativas para os contedores situados na Praza do Concello, sen ocasionar molestias aos negocios.

– Que o Concello de Ribeira faga un proxecto e revise a localización de moitos contedores que atrancan ou dificultan o tránsito pola beirarrúa e/ou impidan visualizar os escaparates de establecementos comerciais.

Outros artigos

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...