O BNG de Ribeira presenta iniciativa para mellorar as instalacións do colexio de Frións

27 Novembro 2020

O BNG presenta iniciativa para mellorar as instalacións do colexio de Frións. Os nacionalistas atenden esta petición da comunidade escolar.

O colexio público de Frións precisa, segundo o BNG, unhas melloras que facilitarían de xeito importante a actividade educativa e contribuirían, ao mesmo tempo, a aumentar o benestar das alumnas e alumnos no centro escolar. O BNG ribeirense após estar en contacto coa ANPA e docentes do propio centro, trasladará esta demanda ao Pleno do Concello de Ribeira e, de ser necesario, ao Parlamento de Galiza.

O voceiro nacionalista, Xosé Vázquez Cobas, considera que é necesario colocar no exterior unha marquesiña máis xa que a existente é totalmente insuficiente para atender a demanda no acceso e saída dos 110 usuarios e usuarias do transporte escolar. Vázquez Cobas cre que alén da marquesiña “a beirarrúa interior que serve de entrada e saída ao centro duns 20 metros aproximadamente, sería un corredor abrigado se a cubrimos para protexer do frío, do vento e da chuvia aos 150 alumnos e alumnas de primaria”.

O centro conta cunha zona pequena cuberta na parte de atrás que presta un bo servizo aos de infantil aínda que con estreituras. Fontes do BNG aseguran que se fai precisa unha zona cuberta de soportal na parte dianteira pois sería moi útil nas clases de educación física ao carecer de pavillón, así como nos recreos, e para a realización de actividades no exterior. Esta necesidade que evidenciouse máis nos tempos de Covid que vivimos segundo informou Cobas.

Ampliación do servizo de comedor

Por outra parte, Vázquez foi informado pola ANPA e o equipo docente que o servizo de comedor estase prestando en dúas quendas para atender aos 54 nenos e nenas que fan uso del polas limitacións de espazo que hai. “A ampliación do comedor é urxente e existen solucións técnicas para facelo redistribuíndo e acondicionando os espazos existentes con pequenas obras que non serian custosas” argumentou.

Por todos estes motivos, o BNG pedirá que se instale alomenos unha marqusiña máis, ampliar o comedor do colexio, facer un proxecto para realizar un corredor cuberto sobre a beirarrúa que dea abrigo da chuvia e vento así como instar á Consellaría de Educación a facer un soportal dianteiro no que se poidan facer actividades durante os días de mal tempo.

Outros artigos

Iniciada a reparación da rampla do peirao de Aguiño

A empresa Audeca comezou os traballos de reparación da danada rampla do peirao de Aguiño, en Ribeira, unha obra longamente esperada pola confraría local e que requiriu máis dun ano de tramitación. O custo da actuación ascende a uns 40.000 euros. A obra divídese en...

+

Ribeira presenta o programa de conciliación para o verán 2024

Concello O segundo tenente de alcalde Vicente Mariño e a concelleira Tania Redondo presentaron hoxe o programa de conciliación Días Sen Cole de cara ao verán deste ano 2024.A área de Servizos Sociais Comunitarios impulsa os campamentos de conciliación durante as...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...