O accidente laboral mortal en Outes sucedeu ao ceder unha torre de alta tensión e caerse os dous operarios ao chan

03 Novembro 2020

Segundo os datos facilitados ao 112 Galicia, un deles perdeu a vida e o outro operario resultou ferido de consideración ao caer ao chan dende unha torre de alta tensión mentres realizaban labores de mantemento a unha altura duns sesenta metros.

Os feitos tiveron lugar nunha zona de monte na parroquia de Valadares, preto das 10:15 horas. Nese momento, varias persoas particulares deron conta do accidente ao 112 Galicia.

Axiña, os xestores do Centro Integrado de Atención ás Emerxencias (CIAE) 112 Galicia solicitaron a intervención de Urxencias Sanitarias de Galicia-061, que mobilizou ata o lugar un helicóptero medicalizado, no que finalmente foi trasladado o traballador ferido ao Complexo Hospitalario Universitario de Santiago de Compostela. Por outra banda, os efectivos médicos nada puideron facer por salvarlle a vida ao outro operario accidentado.

Cómpre salientar que neste operativo interviñeron, tras ser alertados polo 112 Galicia, os membros do GES de Muros, os axentes da Garda Civil e da Policía Local, os voluntarios de Protección Civil de Outes e Mazaricos e a empresa subministradora de electricidade.

.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

AMBAR abre as inscricións para a 10ª Carreira pola Diversidade

A Asociación AMBAR das Persoas con Diversidade Funcional, con sede e actividade na nosa comarca, xa ten abertas as inscricións da 10ª edición da súa Carreira pola Diversidade. Celebrarase o domingo 14 de xullo ás 10:00h na explanada de Coroso, Ribeira. Trátase dun...

+

Publicidade

Revista en papel

Opinión