Noia abandona o nivel 3 da COVID-19

O número de municipios galegos en alerta vermella pola incidencia do Covid-19 no últimos sete días baixou de 50 a 44 con respecto ao domingo, segundo os datos difundidos pola Consellería de Sanidade. O cómputo é o resultado da incorporación de Cee á lista de poboacións galegas en código vermello e a saída de seis concellos: Santiago de Compostela, Ordes, Noia, O Carballiño, Verín e Soutomaior.

Segundo a actualización deste luns do mapa de alertas da Consellería de Sanidade, que reflicte certa melloría ao descender do medio centenar a cifra de localidades en risco máximo.

Na comarca Noia abandonou o noivel 3 e pasa con o Son e Ribeira a nivel 2, Muros e Boiro están en nivel 1 e en nivel 0 están A Pobra, Rianxo, Lousame e Dodro. O casos activos da área sanitaria Santiago-Barbanza son 1.209, dos que 49 están hospitalizados e 16 ingresados en UCIs.

En Galicia a Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 10.015 deles 1.887 son da área da Coruña, 1.116 da de Lugo, 1.035 da de Ourense, 1.254 da de Pontevedra, 2.469 da área de Vigo, 1.209 da de Santiago, e 1.045 da de Ferrol.

Do total de pacientes positivos, 94 están en UCI, 511 en unidades de hospitalización e 9.410 no domicilio. Polo de agora, en Galicia hai un total de 31.148 persoas curadas, rexistrándose 988 falecementos.

O número de PCR realizadas é de 752.416.