Muros so tivo 1 caso no cribado. Santiago baixa por 1ra vez desde hai un mes e Galicia rexistra 9.292 casos

02 Novembro 2020

Santiago e Lugo rebaixan as súas cifras de casos activos de coronavirus e ningunha área galega supera os 60 casos novos. A capital que viña arroxando as cifras máis preocupantes xunto coa cidade olívica, rexistra un descenso dunha ducia de casos en menos de 24 horas, a súa primeira baixada desde o 6 de outubro.

Boas novas tamén en Muros no cribado poboacional realizado esta fin de semana a residentes de entre 30 e 50 anos detectouse 1 caso indeterminado, ao que se lle repetirá PCR nos vindeiros días. Así 1.259 muradáns deron negativo.

Na área sanitaria de Santiago-O Barbanza hai 1.360 casos activos, 65 hospitalizados con 13 pacientes en UCIs.

En Galicia a Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 9.292 deles 1.575 son da área da Coruña, 983 da de Lugo, 1.299 da de Ourense, 1.049 da de Pontevedra, 2.072 da área de Vigo, 1.360 da de Santiago, e 954 da de Ferrol.

Do total de pacientes positivos, 77 están en UCI, 446 en unidades de hospitalización e 8.769 no domicilio. Polo de agora, en Galicia hai un total de 27.752 persoas curadas, rexistrándose 923 falecementos. O número de PCR realizadas é de 700.353.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...