O Concello de Porto do Son segue adiante coa dotación de servizos para os núcleos urbanos e do rural, poñendo o foco no achegamento de servizos axeitados de saneamento. Segundo informou os días pasados, xa foi licitada a obra para mellora na rede de abastecemento de auga de Portosín e da tubaxe de distribución xeral no núcleo de Valcunqueiro. O importe total destas actuacións será de 94.622€.
Segundo engadiu o Concello de Porto do Son, trátase “dunha obra moi demandada, que axudará a reactivar a economía sonense a través da creación de emprego e do consumo local”.
