JEALSA avanza en responsabilidade empresarial coa súa adhesión a Forética

10 Novembro 2020

JEALSA anunciou o pasado mes de outubro a súa adhesión a Forética, organización estatal referente na economía circular e na responsabilidade social empresarial, co obxectivo de “potenciar actividades relacionadas coa sustentabilidade e coidado da contorna grazas ao programa We Sea”. En palabras de Jesús Manuel Alonso Escurís, presidente de JEALSA, “Contar coa experiencia e traxectoria de Forética supón unha gran oportunidade para fortalecer o noso programa de responsabilidade social e medioambiental e potenciar todas as iniciativas e accións que puxemos en marcha para contribuír á consecución dos ODS establecidos pola ONU”.

Pola súa banda, Germán Granda, director xeral de Forética, engadiu: “A incorporación de JEALSA á rede de máis de 200 socios de Forética supón dar un paso máis na nosa visión de construír alianzas empresariais para lograr dar unha resposta conxunta aos desafíos en materia de cambio climático e medio ambiente”

A raíz da súa adhesión a Forética, JEALSA lembrou o seu carácter “pioneiro” na loita contra a pesca ilegal non declarada nin regulamentada, a obtención do primeiro certificado MSC para a pesca do atún claro no Atlántico (o proceso de avaliación sustentábel de pesca máis esixente do mundo) e a consecución, recentemente, da neutralidade en emisións de CO2 grazas á enerxía eléctrica xerada en parques eólicos propios e participados.

Outros artigos

Accidente de tráfico no acceso ao polígono de Espiñeira, en Boiro

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro. Á chegada dos bombeiros as...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...