Galicia rexistra outros seis falecidos, dous no CHUS, por covid-19 o que eleva a cifra total de mortes a 1.179

Na área sanitaria de Santiago-Barbanza falecen 2 persoas que foran diagnosticadas por coronavirus. Trátase dunha muller de 88 anos, no Chus. e un home de 79 anos, no Cegadi (Santiago). Procedía da Residencia de San Salvador de Guntin. Ambos tiñan patoloxías previas. O número total de mortos na área sanitaria elevase a 168.

En Galicia a Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 8.579 deles 1.743 son da área da Coruña, 1.085 da de Lugo, 574 da de Ourense, 1.214 da de Pontevedra, 2.308 da área de Vigo, 948 da de Santiago, e 707 da de Ferrol. Do total de pacientes positivos, 92 están en UCI, 421 en unidades de hospitalización e 8.066 no domicilio.

Polo de agora, en Galicia hai un total de 41.054 persoas curadas, rexistrándose 1.173 falecementos. O número de PCR realizadas é de 873.252. A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade reitera que segue alerta actualizando todas as medidas e recomendacións e en vixilancia permanente.