No computo total do día acudiron 910 pacientes o que supón a porcentaxe total de asistencia do día: 63,32%. Os resultados do cribado darase a coñecer cando estea rematada toda a toma de mostras, que se desenvolverá ata o domingo á tarde.
Este cribado do Sergas en Ribeira abarca, tal como informamos en O Barbanza, a máis de 5.500 veciños de entre 40 e 50 anos ante o incremento de casos e “a imposibilidade de seguir a cadea epidemiolóxica en moitos deles”.
Os citados recibire un SMS coa hora e lugar, que é na lonxa nova no porto de Ribeira. O acceso é peonil e non se recomenda ir en coche. Deste xeito, tomaranse mostras nasofaringeas para realizar PCR, que serán analizadas a través da técnica de “pooling”.
En canto a vítimas na área sanitaria Santiago-Barbanza na xornada deste venres a consellería informa da morte dunha muller de 87 anos no Chus. Tiña infección por coronavirus e contaba con patoloxías previas. Procedía da Residencia Santa Olalla de Boqueixón. En Galicia faleceron este venres 10 persoas o que eleva o número de vitimas a 1. 056.
