Pasados dez minutos das 12:30 horas deste mediodía, un particular chamou ao 112 Galicia para informar do incendio. Indicaba que ardía un caseto que almacenaba apeiros e outros obxectos.
Así, con estes datos, desde o 112 Galicia pasouse aviso aos Bombeiros de Boiro e á Policía Local. Tamén foron informados os axentes da Garda Civil e os membros de Protección Civil da localidade que nada máis chegar ao punto, solicitaron aos xestores de emerxencias unha ambulancia, posto que, unha persoa sufrira queimaduras importantes. Deste xeito, pasouse aviso de inmediato ao Servizo de Urxencias Sanitarias de Galicia-061.
Aínda que os Bombeiros continúan traballando no lugar, aseguraron que o lume está controlado. Ardeu o interior do alpendre.
