Dous axentes de Ribeira, Juan Antonio González Sampedro e Francisco Crujeiras Vidal, van recibir a Medalla ao Mérito da Policía Local que outorga a Vicepresidencia Primeira e Consellería de Presidencia, Xustiza e Turismo da Xunta de Galicia, tal e como recolle o DOG deste 19 de novembro, no que se explica a concesión do dito recoñecemento “pola súa intervención nun acto de servizo” e polo compromiso coa súa profesión, “calidade inherente ao ideal de servizo público, predicábel dun bo policía”.
En concreto, a distinción é un recoñecemento ao labor desenvolvido polos axentes tralo atraco perpetrado na gasolineira Agro do Forno, en Salmón, na madrugada do 19 de xaneiro de 2019, onde un operario recibiu un rito de escopeta nunha das súas pernas e os axentes lograron que non morrera desangrado ao improvisar un torniquete co cinto do pantalón do uniforme e unha porra.
Ademais dos policías ribeirenses, tamén van ser condecorados outros axentes dos corpos de policía local de Cee, Tui, Porriño, Pontevedra e Muxía.
