Cultura de Boiro achega un mes de novembro ateigado de teatro e música

02 Novembro 2020

O departamento de Cultura do Concello de Boiro continúa este mes de novembro coa programación de actividades concibida para todos os públicos en diversos espazos. As actividades do Outono Cultural para o mes de novembro inclúen representacións teatrais e actividades con asociacións e colectivos. A programación está deseñada para cumprir cos protocolos de seguridade e prevención, pero e posible que algúns espectáculos sufran cambios ou modificacións. A axenda comeza este venres 6 coa representación de Os romeiros do caracol de Fantoches Baj. Será as 20.00 horas na Casa da Cultura de Boiro.

A peza Os romeiros do caracol está baseada na obra de Antón Fraguas Romarías e Santuarios de Galicia e pensada para publico infantil e familiar a partir de 5 anos. As prazas son limitadas e as entradas poden conseguirse o propio dia do espectáculo a partir das 16.30 horas.

A programación continua o venres día 13 coa representación de O mel non caduca de Ibuprofeno Teatro, as 21.00 horas na Casa da Cultura de Boiro.

O sábado 14, as 17.00 horas no Centro Social de Cabo de Cruz,Cociñando música de Capitán Garfo e ese mesmo día a partir das 17.00 horas, Magosto con Xilbarbeira no Centro Social de Boiro.

O domingo 15, na Boqueira de A Negral as 19.00 horas, ballet con Cen Pliés.

O venres dia 20, na Casa da Cultura de Boiro, será a quenda de Cranios privilexiados ou a critica da razón social, unha representación de Producións Excéntricas, as 21.00 horas e o sábado dia 21, as 19.00 horas, concerto da Banda de Musica de Boiro na Casa da Cultura as 19.00 horas.

O venres dia 27 será Talía Teatro quen represente Vida de cans na Casa da Cultura as 21.00 horas e o domingo 29, as 12.00 horas, sesión vermú con Abeloura en San Roque.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...