O Concello de Boiro comezou este mércores 25 as obras de mellora das pistas de skate localizadas na praza de A Boqueira de A Negral. A reparación realizarase de xeito progresivo con cada unha das partes do espazo deportivo.
A actuación constará dunha reparación integral da contorna para monopatíns: “É un espazo moi demandado pola mocidade”, xustifica Luís Ruiz, concelleiro de urbanismo e obra. Segundo engadiu, o visíbel deterioro da zona provocou que a renovación, xa programada polo Concello no pasado, se iniciara antes do previsto: “Levamos tempo traballando na busca de presupostos e estudando as mellores opcións para arranxar as pistas”, declara o concelleiro.
As obras teñen como data aproximada de finalización o mes de decembro, coincidindo coas vacación de Nadal. Actualmente as pistas de skate están precintadas para evitar o seu uso. Dende o Concello de Boiro rogan ós veciños “que non practiquen deporte no skatepark, xa que resultaría perigoso”.
