CCOO pide aos Concellos do Barbanza medidas para impedir a destrución de emprego na hostalería e o comercio

27 Novembro 2020

A Federación de Servizos de CCOO de Galicia, que engloba os sectores de hostalaría e comercio, especialmente afectados pola pandemia, e a Unión Intercomarcal de CCOO de Santiago-Barbanza, veñen de instar aos 39 concellos da contorna de Compostela e Barbanza que impulsen e acorden medidas para fomentar e protexer o emprego nos devanditos ámbitos produtivos, activando recursos inmediatos e eficaces, conxuntamente, para pór freo á destrución de postos de traballo nestes eidos.

CCOO coida que a precaria situación en que se atopan as pemes e autónomos tamén repercute “moi negativamente” na situación do persoal asalariado. Para o sindicato é unha “prioridade absoluta” evitar que se perda tecido empresarial, polo que propón “apostar por mecanismos de financiamento, axudas, moratorias e liquidez, que permitan o sostemento das empresas, maioritariamente de autónomos e pemes, pero en termos recíprocos: as empresas deben comprometerse a soster o emprego”.

CCOO considera que “hai que incidir prioritariamente en axudas a contratación; renegociación dos alugueres; dixitalización; axudas ao turismo; adiamento, reducións ou eliminación temporal dos impostos locais, ou fomento do consumo da hostalería e comercios locais”.

Segundo CCOO, “estas axudas deben ir ligadas a unha serie de requisitos por parte das empresas”. Por exemplo, non estar sancionadas pola inspección de traballo; estaren ao día coas nóminas e obrigas con Facenda e Seguridade Social; a obriga de ter medidas de seguridade; así como o fomento da igualdade, da conciliación e da non discriminación.

Outros artigos

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Día das Letras pasado por auga e temperaturas suben baixas

Continuamos durante o venres con inestabilidade atmosférica. Con esta situación, agárdanse intervalos nubrados con chuvascos acompañados de tormenta. As temperaturas continuarán sen cambios ou con lixeiros ascensos das máximas. Os ventos soprarán do noroeste, frouxos...

+

Publicidade

Revista en papel

Opinión