Aviso amarelo este domingo por ventos de forza 7 nas Rías Baixas e na Costa da Morte

Meteogalicia activou para este domingo o aviso amarelo por fortes ventos no mar, que poderán alcanzar a forza 7 nas Rías Baixas e na Costa da Morte.

A alerta permanecerá vixente a partir das 6,00 horas da mañá e ata as 12,00 horas do mediodía.

Esta situación estará activa por ventos de forza 7 que chegarán a Galicia desde o sur e azoutarán a Costa da Morte e as Rías Baixas é dicir todo o litoral da provincia de Pontevedra e o sur do da Coruña.

En canto o tempo  continuaremos con intervalos anubrados, con chuvascos que ocasionalmente poderían vir acompañados de aparato eléctrico pola costa. As temperaturas non experimentarán cambios significativos, con lixeiros ascensos das mínimas. Os ventos soprarán de compoñente sur con intervalos fortes no litoral e zonas altas do interior.

Prognóstico para o mediodía do domingo 8 de novembro