O Concello de Porto do Son compartiu en imaxes os importantes avances do proxecto para a humanización do núcleo do Outeiro, unha contorna de gran importancia histórica cuxos valores están a ser destacados polos traballos de remodelación e acondicionamento, que se atopan na segunda fase do seu desenvolvemento.
As obras tamén se dirixen a incrementar a accesibilidade dos rueiros e camiños. O Concello engadiu que o proxecto atópase neste intre na súa recta final e que en breve chegarán as tarefas ao seu remate.
Esta iniciativa encádrase na estratexia do Goberno local para devolver espazos públicos aos viandantes, priorizando áreas peonís e mellorando a accesibilidade, uns obxectivos que tamén afectan á reforma da área portuaria de Porto do Son e, tamén, á Horta das Romeras.