Bombeiros e membros de Protección Civil de Boiro sufocaron a última hora da tarde do domingo un lume que se declarou no restaurante Miramar Praia, situado ao pé do areal de Barraña, na zona de O Saltiño e a escasos metros da estrada que vai cara a Cabo de Cruz.
Pouco antes das sete da tarde recibíase o aviso alertando do lume, que se propagou con gran rapidez polo local. As lapas arrasaron unha gran parte do establecemento. O feito de que o establecemento estivera pechado fixo que nons e rexistrasen feridos.
O lume foi grande porque nun momento houbo un escape de gas e ademais o vento do sur pegaba forte o que fixo que aumentasen as lapas. efectivos dos parques comarcais de bombeiros permacen no lugar refrescando a zona.
