O Día das Letras Galegas foi festexado en Aguiño o pasado sábado 31 de outubro. A xornada foi organizada neste día en concreto por ser a data do nacemento do autor homenaxeado, Ricardo Carvalho Calero. O acto promoveuno a Asociación Francisco Lorenzo Mariño, en colaboración coa Concellería de Cultura de Ribeira e a Deputación da Coruña.
A actividade principal foi o concerto de Pablo Díaz e Alex Fente no que interpretaron 15 temas dos discos. O público que acudiu foi infantil en maior medida, xa que das 57 persoas que se presentaron, 35 eran nenos.
Durante o acto, entregáronse agasallos aos máis pequenos. Ademais houbo xogos e varios sorteos para os participantes en actividades como Euquedonacasa, promovida pola asociación no confinamento.
Os adultos tamén recibiron os seus obsequios. Os presidentes da asociación, Elvira Pisos Arnoso e Unai González Suárez, foron os encargados de repartir os agasallos públicos, xunto a Concelleira de Cultura do concello de Riveira, Mariola Sampedro Fernández.
En xeral, foi unha xornada completa, aínda que non houbo grandes celebracións por mor das restricións do coronavirus.
