As restricións por mor da COVID están a causar graves problemas nos restaurantes de Barbanza. Os donos dos establecementos viven un momento de moita incerteza e non se imaxinan o que deparará Nadal.
Os empresarios do sector pensan que esta situación é insostíbel e abren os seus negocios con temor a un peche gobernamental. Así o afirma Juan Martín Davila, director do Restaurante Xoanes, en Boiro: “Isto é coma se tes un barco e podes saír ao mar, pero sen pescar”.
Davila explica que traballan menos do 50% do que traballaban en febreiro e que tivo que adiantar o servizo de ceas debido as restricións. “Teño que pechar o meu local ás 22.30”, sinala.
A redución do consumo
O toque de queda é o que leva aos veciños da comarca a non frecuentar a saída á rúa. Como consecuencia directa, o consumo nos restaurantes está sufrindo unha baixada exponencial. Suprímense, en moitas ocasións, os servizos de cea, e se comeza a apostar pola comida para levar: “o consumo non é o mesmo e as ventas tampouco. Ademais, antes o que viña de cear, tomaba unha copa ou un cóctel, agora non”, recalca Concha Martínez, a responsábel do restaurante O Costillar, en Rianxo.
Unha chea de dúbidas cara Nadal
A estas alturas aínda non se sabe nada do Nadal. Segundo as medidas establecidas pola Xunta de Galicia, a hostalería en Barbanza ten limitado o seu aforo ao 50 % no interior dos locais e ao 75% nas terrazas. A situación non é doada para ninguén e menos para os hostaleiros da comarca. No Restaurante Xanxo, en A Pobra, están intentando rehabilitar un comedor privado para Nadal: “O obxectivo é reunir a máis comensais se, ao final, se pode”, declara Xanxo, o dono do establecemento. Mentres, outros restaurante da zona consideran a opción de non facer ceas de Nadal.