A Policía Autonómica fixo balance das recentes actuacións dirixidas a previr, inspeccionar e controlar o cumprimento das medidas adoptadas contra a COVID-19. En virtude deste marco de traballo, os axentes realizaron 48 inspeccións en nove concellos da provincia da Coruña na pasada fin de semana, que deron como resultado a identificación de 28 persoas e a tramitación de 17 actas de infracción.
En base a este plan, a Policía Autonómica destinou efectivos entre o 06 ao 08 de novembro a controlar que se están a cumprir as medidas vixentes para frear a expansión do virus. Leváronse a cabo dispositivos en nove municipios da provincia en Ames, Boiro, A Coruña, Ferrol, Santiago de Compostela,.Noia, A Pobra do Caramiñal, Porto do Son e Teo.
No conxunto da Comunidade galega, os axentes actuaron nun total de 30 concellos, nos que que se rexistraron 87 operativos cun total de 116 inspeccións, con máis de 552 persoas identificadas e 29 denuncias tramitadas.
Estes dispositivos enmarcase no seo da colaboración entre as forzas e corpos de seguridade, cada unha no marco das súas competencias.
Durante os operativos, os axentes controlaron que nos establecementos abertos ao público, terrazas e espectáculos públicos se estaban a cumprir as medidas aprobadas polas autoridades sanitarias para facer fronte á COVID-19, como o uso obrigatorio de máscara, o cumprimento da distancia de seguridade, así como o aforo e o horario de peche dos locais e a prevención do botellón.
