O Centro Social de Cabo de Cruz acolle durante o mes de novembro a mostra fotográfica Heráldica, unha colección de fotografías de 38 escudos de Boiro, realizada polo artista pobrense Abelardo Soler Torrente.
O Concello de Boiro, a través da área de Cultura, e a asociación O Faiado 2, impulsan esta mostra, que recolle unha colección de fotografías feitas para a publicación Heráldica en Boiro, escrita por Ramiro Villoch para a asociación artesán e etnográfica O Faiado 2.
A mostra poderá visitarse durante todo o mes de novembro na sala de exposicións do Centro Social de Cabo de Cruz, de luns a venres en horario de luns a venres en horario de 10.00 a 14.00 horas e de martes a xoves tamén pola tarde en horario de 16.00 a 19.00 horas.
