A fachada marítima de Porto do Son será unha contorna accesíbel para todos os colectivos

02 Novembro 2020

A fachada marítima de Porto do Son, en cuxa materialización está a traballar actualmente o Concello, será unha contorna máis humanizada, máis peonil, máis segura, máis accesíbel e máis próxima ao mar para veciños e visitantes: para todos os veciños e visitantes sen excepción nin exclusións. Segundo puidemos saber, o Concello vai contar coa colaboración da confederación galega COGAMI, entidade de persoas con diversidades funcionais presidida polo sonense Anxo Queiruga, para verificar que os traballos e as infraestruturas resultantes despexan definitivamente de atrancos a contorna do porto.

O sonense Anxo Queiruga, presidente de COGAMI

A decisión acordouse venres 30 de outubro nunha xuntanza que contou coa presenza alcalde Luis Oujo, a tenente de alcalde, María Maneiro e o presidente de COGAMI, Anxo Queiruga. Segundo fixo saber o rexedor, era precisa a concorrencia no proxecto dunha entidade como COGAMI con tan longa experiencia en materia de accesibilidade e inclusión, toda vez que a nova fachada ao mar de Porto do Son contará cun borde portuario de plataforma única e prioridade peonil que, por forza, debe ser un espazo ceibe de obstáculos e axeitadamente acondicionado.

As obras, que comezaron recentemente co inicio do outono, teñen un prazo de execución de dezaoito meses e inclúe a materialización dunha calzada de plataforma única ao longo de toda a avenida de Galicia, de máis de medio quilómetro de lonxitude, até o inicio do espigón. Este novo trazado supón un afastamento do tráfico con respecto das vivendas da fachada marítima. Amais, intervirase o firme de boa parte das rúas que teñen saída ao malecón, que contarán con pavimento de pedra até o mar, cruzándose perpendicularmente coa avenida de Galicia con treitos para peóns. A abundancia de elementos humanizados e a necesidade de establecer as mellores conexións posíbeis motivou o interese do Concello por contar coa supervisión de COGAMI.

O proxecto vén cun orzamento de preto de 5 millóns de euros. Abrangue unha superficie de case 26.000 metros cadrados e inclúe a habilitación de miradoiros, zonas con árbores e prazas de estacionamento, entre outros moitos elementos.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....