A morte de 4 persoas eleva o total de vítimas a 773 en Galicia. Soben os positivos da COVID- 19 na área sanitaria Santiago- Barbanza

A Consellería de Sanidade notificou na tarde deste mércores catro novas mortes en Galicia con coronavirus, o que eleva o total de vítimas mortais ata 773 desde o inicio da pandemia. En concreto, trátase dunha muller de 66 anos que estaba ingresada no CHOP de Pontevedra; unha muller de 91 anos e home de 81 anos, ingresados no Hospital de Verín; así como unha muller de 90 anos no Chuvi de Vigo. Todos presentaban patoloxías previas.

O número de falecidos diagnosticados con coronavirus desde o comezo da ‘nova normalidade’ ascende a 152 en Galicia. A primeira morte deste período foi a dunha muller o 7 de agosto. Antes diso, a Comunidade galega había encadeado case dous meses –desde o 10 de xuño– sen decesos relacionados co coronavirus.

SANTIAGO-BARBANZA

Tras varias xornadas de baixada no número de pacientes, os casos da Covid na área sanitaria de Santiago- Barbanza experimentan unha lixeira suba o rexistrase 44 novos positivos.

A cifra de persoas que están a tratamento elévase segundo o último parte de Sanidade a 544, 17 máis que na xornada de onte. A maioría están en seguimento nos seus fogares, mentres que a cifra de hospitalizado diminuíu lixeiramente, pasando dos 31 enfermos de onte aos 27 deste mércores. Unha das pacientes que estaba ingresada, unha muller de 87 anos de idade e que presentaba patoloxías previas, faleceu, segundo informou o Sergas a última hora de onte e recollemos en O Barbanza , mentres que os outros tres recibiron o alta xunto a outros 24 afectados que estaban illados nas súas casas. Segundo isto, o número total de curados desde o inicio da pandemia ascende a 3.378, mentres que se realizaron 81.509 probas PCR para detectar ou descartar a enfermidade, 968 delas na última xornada.

En canto o número de alumnos contaxiados pola COVID-19 no Barbanza baixa a 12 con respecto a semana pasada. Detectouse un novo contaxiado no colexio de infantil e primaria de Cespón, pero cambia a situación en tres centros. No CEIP Castelao de Rianxo só queda un neno enfermo dos dous que había a finais da semana pasada, mentres que no instituto boirense da Cachada incrementouse o número de estudantes afectados, que actualmente son dous.
Abriuse a aula da escola infantil de Praia Xardín tralo peche o aparecer un positivo. Sigue clausurada a aula da gardería municipal de Ribeira dos compañeiros que compartían aula con outro neno enfermo, e que é o único centro de Barbanza que continúa cunha unidade clausurada. Segue habendo un positivo no Santa Baia e no IES Espiñeira de Boiro, no Galaxia de Ribeira e no María Assumpta de Noia, e dous enfermos no Félix Muriel de Rianxo.

Respeto a Galicia a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.068, deles 787 son da área da Coruña, 486 da de Lugo, 1.123 da de Ourense, 630 da de Pontevedra, 390 da área de Vigo, 544 da de Santiago, e 108 da de Ferrol.Do total de pacientes positivos, 34 están en UCI, 185 en unidades de hospitalización e 3.849 no domicilio. Polo de agora, en Galicia hai un total de 20.591 persoas curadas, rexistrándose 773 falecementos

O número de PCR realizadas é de 523.412.