Un día durou o permiso para faenar na ría de Muros e Noia tralo peche cautelar decretado o pasado domingo por Intecmar. A suba dos niveis de toxina nas mostraxes efectuadas a última hora do martes obrigaron aos profesionais a non poder seguir facendo. O pósito non realiza actividade extractiva este venres polo que deberán agardar ata o domingo para saber se o luns pode ou non regresar aos areais. O peche prodúcese en plena campaña cando os ector subministra ás conserveiras nun ano que se está caracterizando pola escasez de berberecho.
A toxina non pode chegar en pior momento, xusto nunha época na que a industria fai provisión de berberecho que está a escasear.
