A sede permanente do cuarto ciclo da Universidade de Santiago de Compostela no municipio de Ribeira vén de abrir as súas portas por segundo ano para proporcionar formación académica a persoas maiores de 50 anos. Así, neste novo curso 2020-2021 impartiranse cinco materias: educación pola música, medio ambiente, educación intercultural, historia da cultura de Galicia e astronomía. A iniciativa conta con quince alumnos.
As clases, que terán lugar de luns a xoves no Centro Cultural Lustres Rivas, comezaron o pasado 1 de outubro da man do profesor de astronomía José Ramón González Romay.
