Os socialistas de Ribeira mostran a súa preocupación polos posíbeis contaxios na festividade do primeiro de novembro

dav

Os socialistas de Ribeira, a través da súa concelleira Rita Rial, van presentar ao pleno da corporación un rogo relativo á festividade do primeiro de novembro e a actual situación sanitaria, na que a o Goberno galego vén de endurecer as restricións ás reunións de xente (que, como lembra o grupo do PsdG-PSOE, quedaron limitadas a un máximo de cinco persoas).

Os socialistas de Ribeira, ao fío desta nova situación que restrinxe a actividade social co obxectivo de pór freo a unha das principais vías de contaxio (o 90 % dos brotes detectados xorden en contornas familiares e de confianza), preguntarán en pleno “polas medidas de prevención que ten previstas a Consellería de Sanidade para a xornada do 1 de novembro, e días anteriores e posteriores, para evitar posíbeis contaxios nas visitas aos cemiterios do municipio”. Tamén solicitarán información cumprida sobre o plan de evacuación a prol da saúde pública que ten deseñado o Concello de Ribeira o día de Todos os Santos nos cemiterios do municipio.