Segundo informa o Sergas o concello de Porto do Son é o municipio que acumula un maior número de casos na última semana e sitúase no nivel dous de alerta covid (laranxa), o que supón que neste últimos sete días detectáronse entre 14 e 20 positivos.
No caso de Ribeira concello que onte baixaba ata o nivel verde (menos de sete contaxiados nunha semana), rexistrou nas últimas horas novos infectados, o que provocou que Na xornada do domingo tivese que regresar ao nivel uno, cun acumulado de enfermos que oscila entre 7 e 14, situándose no mesmo tramo no que se atopa Muros.
Quen mellora é o concello de Boiro con menos de sete positivos desde o pasado domingo 4 de outubro.
Na área Sanitaria de Santiago-Barbanza rexistraronse 72 novos positivos na última xornada cifra que duplica á do día anterior. Nestes hai 621 positivos. Deles, 28 atópanse hospitalizados no Clínico de Santiago, tres máis que no último parte, e sete presentan un estado máis grave e están a ser atendidos na unidade de coidados críticos (un paciente máis que onte).
