O Samaín desperta a zombies, bruxas e paiasos en AMICOS

Bruxas, zombies, paiasos endemoniados, sanitarios terroríficos entre outros
personaxes inundaron as instalación de Amicos para celebrar unha tradicion ancestral: o samain. Este ano a xuntanza tivo que adaptarse á normativa sanitaria e reorganizar as actividades de maneira que se cumpliran os protocolos covid. A través de grupos de convivencia organizáronse gynkanas, bailes terroríficos, cociña creativa e concursos de cabazas.
Cada gurpo de convivencia puido disfrutar de probas adaptadas onde, o premio final consisteu nunha piñata terrorífica. Asemade, elaboráronse pratos terroríficos para merendar e bailamos ao ritmo da música que máis nos gusta, pero con pasos terroríficos.

Cabe destacar o concurso de cabazas onde cada participante nos demostra as súas destrezas e creatividade. O xurado dictaminou con gran dificultade os dous gañadores: Juan e Javi. As risas e diversión puderon escoitarse ao longo da xornada. Aínda que non puidemos compartir estas actividades todos xuntos e coas nosas familias e amigos, seguiremos organizando actividades para que as persoas con discapacidade poidan participar en pé de igualdade na vida social e cultural da súa contorna.