Comezou hai uns días a segunda metade de outubro e o programa cultural boirense vén, unha vez máis, completo. Segundo lembra o Concello, este venres 23 de outubro é a quenda das historias para nenas e nenos: historias que levan décadas entre nós pero das que podemos aínda extraer moitas ideas de valor. Será da man de Avento Teatro, que representarán O mazo de Oz, a lendaria obra do conto clásico de L. Frank Baum, na Casa da Cultura de Boiro, a partir das 20.00 horas. As prazas serán limitadas por mor da actual situación sanitaria. As entradas poden conseguirse na Casa da Cultura, no mesmo día do espectáculo a partir das 16.30 horas.
O sábado 24 de outubro temos unha cita coa música. Será grazas ao concerto de Manuel Astray, no local Leñaverde do Centro Social de Boiro a partir das 20.30 horas. Segundo informa o Concello, as entradas esgotáronse ao pouco de darse a coñecer o concerto. Como lembraremos, Manuel Astray é un músico local que se deu a coñecer nas redes sociais durante o confinamento, onde conseguiu importantes éxitos de audiencia coas súas contribucións ao rap (por exemplo superando co tema22:22as 80.000 reproducións en Youtube).
A finde rematará cunha verbena amenizada pola Orquestra Puzzle, a partir das 18.00 horas no Centro Social de Boiro. A reserva de convites cómpre facela a través do telefono 981 84 99 50.
