A praza do Concello serviu de escenario este mediodía para a lectura dun manifesto institucional coa fin de dar visibilidade ao Trastorno de Déficit de
Atención e Hiperactividade.
Así, ante a presenza de veciños e representantes dos distintos grupos da Corporación , unha representante da delegación en Barbanza da Asociación TDAH Salnés, Rebeca Cameán, deu lectura ao citado manifesto coincidindo coa celebración da Semana de Visibilización do TDAH, que este ano ten lugar baixo o eslogan “Hacer visible lo invisible”. Cameán agradeceu o Concello o feito de poñer a súa disposición unha oficina en Aguiño (situada na Casa de Cultura Manuel Ayaso) para servir de sede para as súas iniciativas.
Ademais, a partir desta medianoite e ata o vindeiro 27 de outubro (no
que se conmemora por terceira vez o Día Nacional do TDAH,
instaurado pola Federación Española de Asociaciones de Ayuda al
Déficit de Atención e Hiperactividad) a fachada da Casa Consistorial de Ribeira vaise iluminar polas noites dun simbólico cor laranxa para
facer partícipe á sociedade sobre a existencia deste trastorno.
