O Concello do Son desvía o tráfico da avenida de Galicia polas obras da fachada marítima

13 Outubro 2020

Tendo en conta o inicio das obras para a remodelación da fachada marítima de Porto do Son que comezaban esta semana, o Concello informou da necesidade de facer cambios na circulación de vehículos no centro urbano, que “dende o martes 13 de outubro desviaranse da avenida de Galicia”. O Concello, que pediu a colaboración cidadá, publicou nas redes o mapa dos cambios co fin de facilitar o tránsito de residentes e visitantes.

As obras, cuxo inicio esta previsto para este outono, precisamente, teñen un prazo de execución de dezaoito meses e inclúe a materialización dunha calzada de plataforma única ao longo de toda a avenida de Galicia, de máis de medio quilómetro de lonxitude, até o inicio do espigón. Este novo trazado supón un afastamento do tráfico con respecto das vivendas da fachada marítima. Amais, intervirase o firme de boa parte das rúas que teñen saída ao malecón, que contarán con pavimento de pedra até o mar, cruzándose perpendicularmente coa avenida de Galicia con treitos para peóns.

Outros artigos

Porto do Son celebra as Letras Galegas con música tradicional

O Concello de Porto do Son vai celebrar con música tradicional o Día das Letras Galegas, este 17 de maio, adicado á poeta coruñesa Luísa Villalta. Así, ademais das mancheas de actividades conmemorativas que se están a desenvolver estes días nos centros educativos do...

+

Publicidade

Revista en papel

Opinión

“O Barbanza: Cinco anos de xornalismo independente”

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...