O Concello de Noia está estes días traballando na ampliación nas instalacións deportivas do IES Campo de San Alberto. Segundo fixo saber saber o alcalde, Santiago Freire Abeijón, trátase dunha actuación cun investimento de 40.000 euros, a cargo do Concello de Noia e da Secretaría Xeral para o Deporte. Está previsto que as obras rematen nas vindeiras semanas de novembro.
O rexedor e a concelleira de deportes Laura Salgado Garcia valoraron “moi positivamente” esta actuación, xa que, segundo indicaron, “van permitir que as instalacións poidan ser de uso compartido tanto polos usuarios do Instituto Campo de San Alberto como pola veciñanza da vila cando o centro estea pechado, supoñendo unha ampliación de instalacións ao servizo da cidadanía”.
