O Concello de Lousame vén de anunciar que a ampliación do horario de visitas ás Minas de San Finx durante os vindeiros trinta días. Deste xeito, ata o vindeiro 15 de novembro as instalacións do museo estarán abertas ao público os mércores, xoves e venres, de 10.30 a 14.00 horas; e os sábados e domingos en horario de 11.00 a 14.00 horas e de 16.30 a 19.30 horas.
Con esta modificación nos horarios, o Goberno local busca facilitar a afluencia de visitantes aproveitando a incorporación dunha técnica de turismo. Así mesmo, manterase o horario de visitas guiadas programadas con antelación para grupos de máis de 10 persoas, que terán lugar de martes a domingo na hora que reserven as persoas interesadas. Os teléfonos de reservas son o 679 583 332 e o 981 820 494.
