O BNG conmemora este venres o 700 aniversario da muralla de Noia

06 Outubro 2020

O Bloque Nacionalista Galego vai conmemorar, este venres 9 de outubro, o 700 aniversario da muralla de Noia. A cita será ás 20.30 horas no edificio do Casino. A celebración organizada polos nacionalistas terá un carácter divulgativo e contará coas as intervencións de Manuela Pérez e Lola Gil, autoras do estudo arqueohistórico incluído no Plan Especial de protección e reforma interior do Casco Histórico; Ana Isabel Filgueiras, arqueóloga da Oficina de rehabilitación do Casco Histórico; e de Rosana Pérez, deputada do BNG no Parlamento Galego.

O acto contará cun aforo limitado e as pertinentes medidas sanitarias, mais tamén, segundo informa o BNG, poderase seguir a través da rede social Facebook en directo, a través da canle propia da formación noiesa. Para asistir a dito acto é requirida unha reserva para un máximo de dúas prazas por solicitude deixando nome e apelidos, a reserva pódese facer a través do enderezo electrónico noia@bng.gal.

Outros artigos

O Noia Portus Apostoli, tricampión da Copa Galicia de fútbol sala

Tricampión de Galicia. O Noia Portus Apostoli volveu coroarse este 17 de maio, Día das Letras, como o auténtico rei de Galicia tras proclamarse campión da Copa Galicia por terceiro ano consecutivo. O bloque noiés, o noso único representante na máxima categoría do...

+

Aviso en Noia dunha posíbel contaminación da auga para consumo

O Concello de Noia emitiu un comunicado no que advirte á veciñanza dun episodio de posíbel contaminación da auga para consumo doméstico que faría necesario, até novo aviso, o uso de recursos alternativos para que as familias se abastezan. Ao parecer, o episodio tería...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...