O SERGAS informa da morte esta tarde dunha muller de 81 anos no CHUS. O número de falecidos na área sanitaria Santiago-Barbanza ascende a 139. A paciente fora diagnosticada de infección por Coronavirus e tiña patoloxías previas. A situación da epidemia en Santiago segue sendo mala aínda que non tan pésima como a principios de semana .
Por outra banda o Complexo Hospitalario Universitario de Santiago (CHUS) informou este xoves de que se viu obrigado de suspender temporalmente os permisos de persoal de enfermería, enfermería e auxiliares, para garantir a asistencia sanitaria aos pacientes. A decisión tomouse ante a imposibilidade de atopar persoal de substitución tanto nas listas de contratación propias como no INEM.