Levantado o peche cautelar na ría de Muros-Noia

O Intecmar levantou o peche cautelar decretado o domingo e que obrigou a interrompela campaña marisqueira por segunda vez nun mes como consecuencia da marea vermella na ría de Muros-Noia.

O peche afectou tanto ós bancos marisqueiros como ós polígonos de bateas. A decisión fora comunicada ao pósito ao detectarse un incremento da concentración de toxina amnésica tanto no mexillón, como en berberecho e navalla, polo que se establece o peche das zonas I, II e III, o que comprende a totalidade da ría de Muros-Noia. Isto supuxo que os ao redor de 1.500 produtores que participan na campaña marisqueira da confraría noiesa non puderon saír a faenar este luns.

Menos sorte tiveron os bateeiros que desde fai máis dunha semana non poden traballar pola marea vermella.