A organización xuvenil do BNG denunciou este mércores 14 de outubro un novo ataque LGBTfóbico na comarca, desta vez en Ribeira. A pintada, que amais do seu denunciábel contido tamén é condenábel porque estraga o mobiliario urbano sobre o que foi perpetrada, non é por desgraza, segundo pon de manifesto a responsábel comarcal da organización, Diana Lixó, un caso illado, xa que segundo explica, “as persoas LGBT enfrontámonos a agresións constantes diariamente”.
Lixó engadiu que ante esta grave problemática é preciso que sexamos activistas os 365 días do ano, educando ao noso entorno en igualdade e respecto.
A respecto desta agresión e doutras moitas que sofren acotío os devanditos colectivos LGBT, as xuventudes do BNG consideran necesario promover “unha educación sexual digna nos colexios, que eduque ás nosas crianzas libres de prexuízos moralistas”.
