Falece un home de 88 anos infectado por covid-19 no CHUS

O Sergas informa a última hora da tarde da morte dun home de 88 anos infectado por covid-19. Estaba ingresado no CHUS e tiña patoloxías previas. A Área Sanitaria Santiago de Compostela e Barbanza rexidtra este luns 528 casos activos, dous menos que onte. Hai 34 hospitalizados, tres mais que onte que están no Hospital Clínico de Santiago (7 deles en Unidades de Críticos). Os pacientes curados suben a 3.321 e os PCR realizadas 78.894.

En Galicia a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.101, deles 820 son da área da Coruña, 495 da de Lugo, 1.037 da de Ourense, 685 da de Pontevedra, 419 da área de Vigo, 528 da de Santiago, e 117 da de Ferrol.Do total de pacientes positivos, 37 están en UCI, 204 en unidades de hospitalización e 3.860 no domicilio. Polo de agora, en Galicia hai un total de 20.170 persoas curadas, rexistrándose 765 falecementos. O número de PCR realizadas é de 511.007.