Galicia rexistrou nas últimas horas a morte de tres persoas pola Covid-19 Trátase dunha muller de 96 anos do Concello de Oleiros, un home de 61 anos falecido no hospital Montecelo (CHOP), veciño de Vilanova de Arousa e un home de 57 anos, que estaba ingreso no Complexo Hospitalario Universitario de Ourense. As mortes elevan a 776 as vítimas na comunidade galega.
Na área sanitaria de Santiago-Barbanza hao 545 casos activos, un máis que onte. Os hospitalizados baixan a 26 no Hospital Clínico de Santiago (5 deles en Unidades de Críticos). Os pacientes curados suman 3.416 e as PCR realizadas 82.607.
Respecto ás altas de tres alumnos do Castelao e A Cachada baixan a 9 os centros con casos da Covid-19 na comarca do Barbanza. O centro con máis estudantes positivos é o instituto rianxeiro Félix Muriel, con dous, mentras que cun caso están os colexios Santa Baia de Boiro e Cespón, no IES Espiñeira, no colexio Galaxia de Ribeira e no María Assumpta de Noia.
En Galicia a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.083, deles 784 son da área da Coruña, 483 da de Lugo, 1.148 da de Ourense, 613 da de Pontevedra, 408 da área de Vigo, 545 da de Santiago, e 102 da de Ferrol.Do total de pacientes positivos, 35 están en UCI, 187 en unidades de hospitalización e 3.861 no domicilio. Polo de agora, en Galicia hai un total de 20.860 persoas curadas, rexistrándose 774 falecementos. O número de PCR realizadas é de 531.410.
