As cifras do coronavirus hoxe en Galicia son preocupantes, especialmente a aceleración de novos contaxios en Vigo, A Coruña e Santiago.
Os positivos confirmados por Covid-19 en Santiago- Barbanza chegan a 1.251. Actualmente hai 62 hospitalizados, tres mais que onte, tamén aumentaron os ingresados en UCIs a 13, dous mais que onte. Os falecidos na área sanitaria suben a 138.
No que se refire a colexios o CPI Cernadas de Castro de Lousame detectou un novo positivo entre o seu alumnado, polo que xa son tres os casos que están activos. Segundo a Consellería de Sanidade actualmente hai 15 contaxiados en dez colexios e institutos de Barbanza. Así, aos tres citados hai que engadir dous nos IES A Cachada de Boiro, Campo de San Alberto de Noia e Félix Muriel de Rianxo. Continúa activo o caso dun alumno do CEIP de Cespón, do Ramón de Artaza e do Ricardo Tubío de Muros, do centro de secundaria de Porto do Son, e do CPR Plurilingüe Bayón e do instituto Leliadoura de Ribeira.
En canto ós concellos Muros presenta o maior número de casos e está en nivel 1 (máis de 21 casos nos últimos sete días), no nivel 2 está Boiro con entre 14 e 21 casos; Noia, Ribeira, Rianxo e O Son están en nivel 1 con entre 7 e 14 casos. Outes, Lousame e A Pobra, están en nivel 0 con menos de 7 casos
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 7.930, deles 1.358 son da área da Coruña, 782 da de Lugo, 1.407 da de Ourense, 838 da de Pontevedra, 1.624 da área de Vigo, 1.251 da de Santiago, e 670 da de Ferrol. Do total de pacientes positivos, 67 están en UCI, 414 en unidades de hospitalización e 7.449 no domicilio. Polo de agora, en Galicia hai un total de 26.270 persoas curadas, rexistrándose 889 falecementos. O número de PCR realizadas é de 663.251.
