A Xunta mantén pechado o polígono de bateas Ribeira B de forma preventiva. A subdelegación do Goberno na provincia de Pontevedra comunicou que a mancha de fuel detectada na xornada de onte na ría de Arousa foi controlada.
Catro embarcacións traballaron desde primeira hora da mañá na zona na que se detectou a mancha. Trátase de tres patrulleiras do servizo de Gardacostas de Galicia e o remolcador Don Inda, de Salvamento Marítimo.
Os labores destes barcos realizaronse nas proximidades de punta de Touro, en Ribeira e centraronse na colocación de barreiras anticontaminación para conter a vertedura e en tarefas de recollida do fuel mediante sistemas de aspiración e elementos absorbentes. Realizáronse traballos de extracción xunto á Ila de Ons.
Tanto a Capitanía Marítima de Vilagarcía como o Seprona da Garda Civil teñen abertas senllas investigacións respecto á orixe da mancha.
Polo momento continúa activado o Plan Marítimo Nacional de resposta ante a contaminación mariña, en fase de emerxencia 1, que é a que corresponde a casos nos que a contaminación non se sitúa nas inmediacións dos portos.
Con todo, tras a favorable evolución dos traballos de contención da vertedura esa opción xa foi desestimada.