O Concello de Porto do Son habilitou un apartado online na súa web para canalizar o participación cidadá arredor dos obxectivos do Pacto dos Alcaldes para o Clima e o Enerxía, facéndose un chamamento á veciñanza para achegar as súas opinións, suxestións e contribucións con vistas a acadar un municipio o máis sustentábel e respectuoso co medio ambiente posíbel. Na canle en cuestión podemos atopar material en formato PDF sobre a proposta do Pacto e a nota PACES do Concello, entre outros materiais.
A iniciativa de participación ten a súa orixe na adhesión do Concello á devandita alianza local a prol do clima, unha adhesión formalizada en 2019 e mediante a cal Porto do Son comprometeuse “a actuar para acadar o obxectivo da Unión Europea de reducir os gases de efecto invernadoiro, así como promover a adopción de medidas conxuntas para a atenuación do cambio climático e a adaptación a este”. En concreto na integración no Pacto especifícanse estes puntos:
✅ Reducir as emisións de CO2 un 40% para 2030
✅ Aumenta a eficiencia enerxética un 27%
✅ Aumentar o uso de enerxía procedente de fontes renovábeis un 27%
✅ Elaborar un Inventario de Emisións de Referencia
✅ Realizar unha avaliación de riscos e vulnerabilidades derivados do cambio climático
✅ Presentar o Plan de Acción para a Enerxía Sostible e o Clima (PACES)
✅ Presentar un informe de seguimento a lo menos cada dous anos