Boiro, Muros e O Son seguen en alerta COVID e Ribeira a abandona

Segundo informa o SERGAS o Concello de Ribeira abandonou o nivel de alerta dúas, no que figuraba hai uns días o rexistrarse 14 contaxios nunha semana. Deste xeito o concello ribeirense pasa con Rianxo a nivel cero despois de reducirse a menos de sete a cantidade de positivos.

No mapa do Sergas continuan no primeiro nivel de alerta, os concellos de Boiro, Muros e Porto do Son, dado que en todos eles se contabilizan entre 7 e 14 contaxios na última semana.
Nas últimas 24 horas detectáronse 36 novos positivos. A maioría dos infectados están a tratamento nos seus domicilios. A cifra de ingresados continúa estable desde o sábado con 25 persoas ingresadas no Clínico de Santiago. Seis pacientes continúan en estado grave e permanecen na UCI. En canto ás PCR levadas a cabo na área sanitaria de Santiago-Barbanza desde que comezou a crise sanitaria, ascenden xa a 85.351. En canto ás altas na última xornada foron un total de 22 os pacientes. O total de curados elévase a 3.527.

Fonte SERGAS