O Concello de Boiro, a través da area de mobilidade, traballa para mellorar circulación no municipio. Durante estes días estase realizando a dinalización das vías municipais do núcleo urbano, no que a velocidade máxima permitida se reduce do 50 aos 30 quilómetros por hora.
“A finalidade desta limitación é dar prioridade aos peatóns no núcleo urbano, mellorando a circulación e a seguridade dos viandantes”, afirma o alcalde. Os operarios de sinalización viaria comezaron xa a pintar as sinais nas rúas transversais para despois facelo nas mais amplas e de mais lonxitude.
O Regulamento Xeral de Circulación recolle os limites xenéricos de velocidade das vías urbanas, sendo este de 20 km/ hora para vías que dispoñan de plataforma única de calzada e beirarrúa; de 30 km/ hora para vías dun único carril por sentido de circulación; e de 50km/ hora para vías de dous ou mais carrís por sentido de circulación.
O Concello de Boiro traballa para mellorar a mobilidade e a seguridade no municipio. A Ordenanza de Circulación aprobada de xeito inicial polo pleno da corporación no mes de setembro, recolle diversas medidas para favorecer a mobilidade no municipio, como son a regulación das zonas peonís, a determinación de zona azul gratuíta ou as reservas de espazo público.
