Arrinca o roteiro de tapas Barbanza-Arousa 2020 con Take Away, eventos e viños

29 Outubro 2020

Esta fin de semana é o inicio do Roteiro de Tapas Barbanza Arousa 2020, levada a cabo en momentos de restricións que afectan na economía da hostalería. Conscientes desta situación e pensando en achegar o maior apoio posible, incluíuse como novidade a Tapa para Levar en caixas con deseño unificado do destino Barbanza Arousa.
Por iso, este ano pódese consumir a tapa nos propios establecementos ou pedila para levar, realizando as votacións mediante un código QR ou a través da páxina web barbanzarousa.gal.
A presentación levouse a cabo no restaurante O meu Manda Picone, gañador do Roteiro de Tapas de 2019 no concello da Pobra do Caramiñal, municipio no que se iniciará esta fin de semana o roteiro. Así mesmo, facendo unha chiscadela aos establecementos gañadores dos catro municipios da edición do pasado ano, estes albergarán unha actuación cada un durante o próximos catro venres ás 19:00 horas, marcando o inicio do roteiro en cada concello, que se estenderá durante toda a fin de semana.
Así, cada fin de semana poderanse degustar as tapas de cada un dos concellos de Barbanza Arousa maridadas cos viños da IGP Barbanza e Iria, de gran calidade, do mesmo xeito que todos os produtos grastronómicos do destino.

O inicio será na Pobra do Caramiñal mañá venres cunha maridaxe musical e a actuación de Vos Taninos, con Pepe Solla, Juan Figueroa, Nico Pastoriza e Eladio Santos. A próxima fin de semana será en Ribeira, continuando o seguinte en Boiro e finalizando en Rianxo.
Participan neste proxecto máis de 40 establecementos, incrementándose o seu número en relación cos do ano pasado, algo que se valora e agradécese desde a Mancomunidade, por “ese empuxe da hostalería do destino, a pesar destes tempos tan difíciles para todo o sector”. Así mesmo, Manuel Ruiz, presidente deste organismo e alcalde de Ribeira, manifesta tamén que se seguirá traballando en apoio ao sector desde a mancomunidade con diferentes iniciativas nas que se posicións como destino de primeira orde.

Outros artigos

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...