Activado o plan anticontaminación por unha mancha de fuel entre Ribeira e a illa da Rúa

13 Outubro 2020

A Xunta, a través do Servizo de Gardacostas de Galicia, vén de activar o Plan Territorial de Contaminación Mariña Accidental de Galicia (Plan Camgal) en situación 2, é dicir, o nivel medio de emerxencia, de xeito preventivo ante a aparición dunha mancha de fuel de 1.300×500 metros detectada nas inmediacións da ría de Arousa, fóra da costa, en concreto entre Ribeira e a illa da Rúa.

A conselleira do Mar, Rosa Quintana, comunicou a activación do plan da comunidade autónoma de Galicia ao delegado do Goberno, Javier Losada, a quen lle solicitou a activación do Plan Marítimo Nacional, que é o que corresponde ao tratarse dun episodio no mar e mentres que a contaminación non chegue á costa.

Arestora desprázanse á zona os buques Irmáns García Nodal e Paio Gómez Chariño e as patrulleiras Punta Falcoeiro e Punta Roncadoira con persoal do Servizo de Gardacostas para sumarse aos efectivos de Salvamento Marítimo do Estado que coordina o operativo co obxectivo de evitar que o combustible chegue á costa. Tamén se trasladará á zona dos traballos o subdirector xeral do Servizo de Gardacostas, Lino Sexto.

A mancha foi detectada por un avión de Salvamento Marítimo que estaba realizando un voo de observación pola zona e, como medida preventiva, o Instituto Tecnolóxico para o Control do Medio Mariño (Intecmar) estableceu tamén un peche cautelar no único polígono de bateas que estaba aberto na zona, o Ribeira B.

Os niveis de activación plan Camgal adáptanse aos utilizados por Protección Civil segundo indica o Sistema Nacional de Resposta e son Situacións 0, 1, 2 e 3. A situación 0 actívase cando se sospeita que unha contaminación significativa pode chegar á costa, tanto se procede do mar como dunha instalación en terra. A situación 1 fai referencia ao nivel mínimo de emerxencia, a situación 2 ao nivel medio e a 3 ao nivel máximo de emerxencia.

AMncha de fuel Arousa. remitida

Outros artigos

Adxudicada a pavimentación da rúa Lorenzo Mariño de Aguiño

O Concello de Ribeira vén de adxudicar a pavimentación da rúa Lorenzo Mariño na parroquia de Aguiño, cun orzamento de 132.225 euros e un prazo de execución de 2 meses. Segundo explican fontes do Consistorio, a rúa Francisco Lorenzo Mariño é unha das vías con mais...

+

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...