Activada o sábado a alerta laranxa por temporal costeiro na provincia da Coruña

23 Outubro 2020

A Dirección Xeral de Emerxencias e Interior da Vicepresidencia Primeira da Xunta vén de activar unha alerta laranxa por temporal costeiro na costa da provincia da Coruña.

Segundo informa a Axencia Estatal de Meteoroloxía (Aemet), o fenómeno meteorolóxico adverso costeiro dará comezo desde as primeiras horas da tarde do sábado no noroeste e no oeste da costa da provincia da Coruña por ventos do suroeste de forza 8. No resto do litoral galego o nivel de alerta por temporal costeiro será amarelo. Ademais, haberá alerta amarela nas provincias da Coruña e Pontevedra por chuvias e en ambas provincias e na Mariña lucense tamén por ventos de ata 90 km/h.

Ademais, desde a mañá do mesmo día, a alerta xa será amarela no litoral de Pontevedra e no noroeste da Coruña. Tamén o nivel de alerta será amarelo no oeste e suroeste da Coruña, na montaña de Ourense, nas Rías Baixas e no interior de Pontevedra por refachos de vento de ata 90 km/h.

Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro Integrado de Atención ás Emerxencias 112 Galicia, informou da situación aos concellos da provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros.

A Xunta lembra a importancia de manterse afastados da liña de costa, isto é, de diques, rompentes, espigóns, peiraos, praias, paseos marítimos, e todas aquelas zonas que poidan ser varridas polo mar, co fin de previr un eventual golpe de mar que poida arrastrar persoas ou obxectos. Tamén se aconsella extremar as medidas de seguridade á hora de realizar calquera actividade no mar e revisar os cabos e amarres das embarcacións.

Ademais, recoméndase consultar a páxina web do CIAE 112, que conta con información meteorolóxica e con enlaces de interese.

En canto o tempo o sábado quedaremos na influencia das baixas presións en Galicia, agardando a chegada dunha fronte moi activa pola noite. Isto traerá un progresivo aumento das nubes, con chuvias febles no litoral oeste desde primeiras horas, que se irán estendendo ao resto da Comunidade durante a tarde. Pola noite, a fronte deixará chuvias xeneralizadas localmente fortes. As temperaturas mínimas ascenderán lixeiramente mentres que as máximas seguirán sen cambios ou con lixeiros ascensos. Os ventos soprarán fortes do suroeste, con refachos moi fortes no litoral e zonas altas.

Outros artigos

AMBAR abre as inscricións para a 10ª Carreira pola Diversidade

A Asociación AMBAR das Persoas con Diversidade Funcional, con sede e actividade na nosa comarca, xa ten abertas as inscricións da 10ª edición da súa Carreira pola Diversidade. Celebrarase o domingo 14 de xullo ás 10:00h na explanada de Coroso, Ribeira. Trátase dun...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...